آسر ياسين يكشف وفاة مساعده الخاص وينعيه بكلمات مؤثرة



01:21 ص


الخميس 24 نوفمبر 2022

كتبت- منال الجيوشي:

أعلن الفنان آسر ياسين عبر حسابه الرسمي بموقع فيسبوك، وفاة مساعده الخاص “مجدي”.

وكتب ياسين: “إهداء لمجدي، كان المساعد بتاعي لأكتر من ١٤ سنة، قصته فيها كمية عِبر حياتية غير طبيعية، اشتغل كهربائي لمدة تلاتين سنة وبعد كده حصلتله حادثة موت اتكتبله فيها عمر جديد”.

وتابع: “من هنا ابتدا يشتغل مساعد ليا بناءًا على نصيحة أبويا اللي رشحهولي عشان إخلاصه وأمانته.. عمره ما كان يتخيل إنه يشتغل في السيما ويقابل روبي ومني زكي ومحمود حميدة، ومش بس كده، ده كمان وقف قدام الكاميرا كذا مرة في أدوار شرفيةن كل الناس حبته لأنه يخش القلب علطول لطيبته وبساطته”.

‎واستكمل: “كان يخاف عليا جداً بالذات في مشاهد الأكشن، وكنا ساعات بنتقمص من بعض لما نخش في حوارات عبثية عن الحياة وبعدها نقوم مهيفيين بأي كلام زي الصورة اللي في البوست، واللذيذ في الموضوع إنه كان ييجي يسألني عن نصيحتي في حاجات شخصية على رغم فرق السن”.

وأضاف: “مفيش طفل يشوفه غير ولازم يبتسم لا إرادياً بسبب وشه البشوش والطفولي،

مجدي رحل عن عالمنا من ٣ أسابيع، ولحد النهاردة أنا متكلمتش عنه، يمكن لأني بتجنب ده أو أني معتبره محصلش، مش عارف.. بس اللي عارفه كويس أوي أنه حقيقي واحشني، سلام يا ميجو.. الفاتحة”.



المصدر: مصراوى