“صحباتي بيشبهوني بعبلة كامل”.. الفنانة نجلاء يونس تكشف سبب ع



07:57 م


الأربعاء 23 نوفمبر 2022

كتب- وائل توفيق:

تحدثت الفنانة نجلاء يونس عن سبب عملها كسائقة “أوبر” بجانب عملها كممثلة، وذلك أثناء استضافتها في برنامج “الستات” المذاع عبر فضائية “النهار”.

قالت: طب والله جالي مرة شغل تمثيل، الأستاذ عادل أديب في مسلسل نقل عام، كان بيدور على ممثلة بتشتغل أوبر، قالوا آه في واحدة، وطلعت معاه كده، والحياة أصلا مش حاجة عموما سهلة، ده اللي أنا عرفته، والدي كان أغلب الوقت مسافر، ماما كانت شايلة الموضوع لوحدها وشايلاني، يعني من أول هنا، التجارب اللي حوالينا والوقت اللي إحنا عايشنه يخلي الدنيا كده”.

وأضافت: “عندي عربيتي، دي بنوتي، ومسمياها زيزي، وليا أصدقاء اللي بيجي معايا عند بتاع العفشة، وربنا موقف لي ولاد الحلال، عبلة كامل في حتة قوية، صاحباتي شايفين إن أنا شبه عبلة كامل، وأنا أحب قوي الحاجات اللي بتورينا الناس اللي بنشوفهم كتير”.

وتابعت: “أنا ممكن أسافر بعيد عن شخصيتي وأعمل حاجات مركبة، لكن غالبية اللي بيطلبوني بيطلبوني في حاجات اللي أقدر فيها أكون تلقائية، وحاجة قريبة من شكلي، التلقائية سلاح ذو حدين في الشغلانة”.

واستكملت: “الرقص الحديث، بيخلي الوعي بالجسم بيزود الحضور، الإحساس بالجسم بيزود الحضور، وهشتغل قريب مع أمينة خليل”.

يذكر أن الفنانة نجلاء يونس شاركت في مسلسل “فاتن أمل حربي” في رمضان 2022.



المصدر: مصراوى