” ممثلة تعمل سائقة أوبر”.. من هي الفنانة نجلاء يونس؟



08:13 م


الأربعاء 23 نوفمبر 2022

كتب- وائل توفيق:

تصدرت الفنانة نجلاء يونس تريند مواقع التواصل الاجتماعي بعدما كشفت عن عملها كسائقة أوبر، بجانب عملها كممثلة.

نرصد أبرز المعلومات عن نجلاء يونس:

– مواليد 18 سبتمبر 1980

– حاصلة على ليسانس آداب قسم علوم المسرح

– حصلت على جائزة أحسن ممثل دور ثاني بالمهرجان القومي للسينما عام 2014

– شاركت في مسلسل “مباراة زوجية” عام 2006

– وشاركت في مسرحية “لحظات حرجة” عام 2007

– وشاركت مع المخرج دواد عبد السيد في فيلم “قدرات غير عادية”

– شاركت مع الفنان يحيى الفخراني في مسلسل “بالحجم العائلي” عام 2018

– وتنتظر عرض فيلم “أما عن حالة الطقس” الذي جسدت فيه شخصية “هدى”

– كما تنتظر عرض فيلم “المقابلة” الذي عرض ضمن مسابقة الأفلام القصيرة لمهرجان القاهرة السينمائي 2022، للمخرجة هند متولي.

يذكر أن الفنانة نجلاء يونس تحدثت عن سبب عملها كسائقة “أوبر” بجانب عملها كممثلة، وذلك أثناء استضافتها في برنامج “الستات” المذاع عبر فضائية “النهار”.

قالت: ” طب والله جالي مرة شغل تمثيل، الأستاذ عادل أديب في مسلسل نقل عام، كان بيدور على ممثلة بتشتغل أوبر، قالوا آه في واحدة، وطلعت معاه كده، والحياة أصلا مش حاجة عموما سهلة، ده اللي أنا عرفته، والدي كان أغلب الوقت مسافر، ماما كانت شايلة الموضوع لوحدها وشايلاني، يعني من أول هنا، التجارب اللي حوالينا والوقت اللي إحنا عايشنه يخلي الدنيا كده”.

وأضافت: “عندي عربيتي، دي بنوتي، ومسمياها زيزي، وليا أصدقاء اللي بيجي معايا عند بتاع العفشة، وربنا موقف لي ولاد الحلال، عبلة كامل في حتة قوية، صاحباتي شايفين إن أنا شبه عبلة كامل، وأنا أحب قوي الحاجات اللي بتورينا الناس اللي بنشوفهم كتير”.

وتابعت: “أنا ممكن أسافر بعيد عن شخصيتي وأعمل حاجات مركبة، لكن غالبية اللي بيطلبوني بيطلبوني في حاجات اللي أقدر فيها أكون تلقائية، وحاجة قريبة من شكلي، التلقائية سلاح ذو حدين في الشغلانة”.

واستكملت: ” الرقص الحديث، بيخلي الوعي بالجسم بيزود الحضور، الإحساس بالجسم بيعمل إيه، بيزود الحضور، وهشتغل قريب مع أمينة خليل”.



المصدر: مصراوى